“Республика махсус алоқа боғламаси” ДУК ходимлари ҳуқуқий онги ва маданиятини ошириш бўйича давра сухбати 10 май

2. Президент томонидан 4 май куни “Фуқароларга давлат пенсияларини тайинлаш жараёнини соддалаштириш ҳамда пенсия ва нафақаларни етказиб бериш тизимини янада такомиллаштириш чора-тадбирлари тўғрисида”ги қарор имзоланди.

ЭШИТИЛДИ:

“Республика махсус алоқа боғламаси” ДУК хуқуқшуноси И.Елизарова

СЎЗГА ЧИҚДИ:

“Республика махсус алоқа боғламаси” ДУК хуқуқшуноси И.Елизарова

1. Президентнинг "Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида" 2020 йил 30 октябрдаги ПФ-6099-сон Фармонини амалга ошириш мақсадида Вазирлар Маҳкамасининг 28.04.2021 йилдаги 253-сон қарори билан "Соғлом турмуш тарзи" платформаси фаолиятини ташкил этиш тартиби тўғрисида низом тасдиқланди.

Низом:

• мобиль илова ва веб-порталидан фойдаланиш тартиби;
• мобиль илова орқали фуқароларнинг эришган натижаларига кўра рағбатлантириш;
• идоралараро баҳолаш рейтингини аниқлаш ҳамда унинг ғолибларини рағбатлантириш;
• платформада тўловларни амалга ошириш тартибини белгилайди.

Низомга мувофиқ Ўзбекистон ҳудудида бир сутка давомида ўн минг ва ундан ортиқ қадам юрган 18 ва ундан юқори ёшдаги Ўзбекистон фуқаросининг платформадаги электрон ҳамёнига 3 минг сўмдан ўтказилади.

Ҳар ойда туманлар, вилоятлар ва республика бўйича энг кўп юрган шахсларга қўшимча равишда электрон ҳамёнига қуйидагилар ўтказилади:

• туман (шаҳар) бўйича - 300 минг сўмдан;
• вилоятлар ва Тошкент шаҳри бўйича - 500 минг сўм;
• Республика бўйича - қўшимча 1 млн сўм.

Фуқаронинг юрган қадамлари ҳисоби соат 00:00 дан 23:59 гача юритилади.

Мобиль иловадан фойдаланиш учун фуқаролар Android операцион тизимида Google Fit, iOS операцион тизимида HealthKit иловаларини мобиль қурилмасига ўрнатиши лозим. Шунингдек, id.egov.uz сайти орқали рўйхатдан ўтган бўлиши ҳамда аутентификация ва идентификациясини амалга ошириши зарур.

Идоралараро баҳолаш рейтинги "Соғлом турмуш тарзи" мобиль иловасидан рўйхатдан ўтган ташкилот ходимлари сонига боғлиқ ҳолда (жами ходимлар сонига нисбатан фоизда) 100 баллик тизимда амалга оширилади.

Платформа 10 майдан тест режимда ишлайди ҳамда 1 июндан бошлаб платформа тўлиқ ишга туширилади.

2. Президент томонидан 4 май куни “Фуқароларга давлат пенсияларини тайинлаш жараёнини соддалаштириш ҳамда пенсия ва нафақаларни етказиб бериш тизимини янада такомиллаштириш чора-тадбирлари тўғрисида”ги қарор имзоланди.

Ҳужжатда айтилишича, бугунги кунда давлат пенсияларини тайинлашда 30 турдаги ҳужжат талаб этилади ҳамда уларни тақдим этишга масъул 14 дан ортиқ вазирлик ва ташкилотларда идоравий ахборот тизимлари, электрон ресурс ва маълумотлар базалари мавжуд эмаслиги қоғоз шаклида иш юритишдан воз кечиш ва ҳужжатларни йиғиш жараёнини рақамлаштиришга тўсқинлик қилиб келмоқда.

Қарорга асосан, 2022 йил 1 январдан бошлаб:

• Молия вазирлиги ҳузуридаги бюджетдан ташқари Пенсия жамғармаси томонидан молиялаштириладиган пенсиялар, ижтимоий нафақалар, компенсациялар ва бошқа тўловларни тўлаш тижорат банки ва бошқа ихтисослашган ташкилотлар томонидан амалга оширилади. Тендерлар ҳар уч йилда Қорақалпоғистон Республикаси, вилоятлар ва Тошкент шаҳри бўйича алоҳида ўтказилади. Тижорат банки ва бошқа ихтисослашган ташкилотларга пенсия ва нафақаларни нақд пулда маҳалла фуқаролар йиғинларига, фуқароларнинг яшаш манзилларига етказиб бериш мажбурияти юклатилади;
• пенсия ва нафақаларни маҳалла фуқаролар йиғини биноси ёки фуқаронинг яшаш манзилига етказиб бериш шартларидан келиб чиқиб, хизмат ҳақи дифференциялашган тартибда пенсия ва нафақалар тўланадиган (етказиб берилган) сумманинг 1%игача миқдорда бўлиши мумкин. Пенсия ва нафақаларни етказиб бериш билан боғлиқ харажатлар Пенсия жамғармаси ва республика бюджети томонидан тўлаб берилади.

2022 йил 1 июлдан бошлаб:

• давлат пенсияларини тайинлашда фуқаролардан меҳнат стажи, иш ҳақи, олий таълим муассасаларидаги ўқиш ҳамда ҳарбий хизмат даври тўғрисидаги ҳужжатларни талаб қилиш бекор қилинади. Пенсияга чиқиш ҳуқуқи пайдо бўлган чоғида ишламайдиган фуқароларга ўзларининг меҳнат дафтарчаларидаги меҳнат стажи тўғрисидаги маълумотларни "Ягона меҳнат миллий тизими" идоралараро дастурий-аппарат комплекси (кейинги ўринларда – ЯММТ ИДАК)га киритиш хизмати жорий этилади. Маълумотлар уларнинг меҳнат дафтарчалари асосида кўрсатилган фуқароларнинг бандликка кўмаклашиш марказларига мурожаат қилиши орқали киритилади;
• давлат пенсияларини тайинлаш ЯММТ ИДАКга киритилган электрон маълумотлар асосида амалга оширилади. Меҳнат стажи, иш ҳақи, олий таълим муассасаларидаги ўқиш ҳамда ҳарбий хизмат даври тўғрисидаги ҳужжатлар Пенсия жамғармаси томонидан ЯММТ ИДАКдан фойдаланган ҳолда электрон маълумотлар алмашинуви асосида олинади;
• давлат пенсияларини тайинлаш учун фуқаролардан фақат паспорт ёки идентификация ID-картаси талаб этилади.

Пенсия жамғармасига вақтинча бўш маблағларни тижорат банкларининг депозитларига жойлаштиришдан олинган даромаднинг 20%ини Пенсия жамғармаси ходимларини ижтимоий ривожлантириш ва моддий рағбатлантириш жамғармасига йўналтириш ҳуқуқи берилди.

2022 йил 1 июлга қадар Пенсия жамғармасининг бинолари бўйича минимал талабларга асосан маҳаллий бюджет маблағлари ҳисобидан ҳар бир ҳудудда биттадан Пенсия жамғармасининг мавжуд бинолари негизида “Намунали Пенсия жамғармаси бўлими” ташкил этилади.

2024 йилга қадар босқичма-босқич республиканинг барча ҳудудларида Пенсия жамғармасининг туман (шаҳар) бўлимлари бинолари минимал талабларга мослаштирилади.

Қуйидагилар тасдиқланди:

• Фуқароларга давлат пенсияларини тайинлаш ва тўлашнинг автоматлаштирилган тизимини жорий этиш бўйича “Йўл харитаси”;
• Пенсия жамғармасининг ижро этувчи аппарати тузилмаси, ҳудудий бошқармалари ва туман (шаҳар) бўлимларининг намунавий тузилмалари.

Давра суҳбати якуни бўйича қуйидаги қарор қабул қилинди:

1.“Республика махсус алоқа боғламаси” ДУК хуқуқий ахборотлар сифатини ошириш бўйича тушунтириш ишларини олиб бориш давом эттирилсин ва маълумотларни Вазирликнинг Юридик ва Жамоатчилик ва оммавий ахборот воситалари билан алоқалар бўлимига тақдим этилсин.

Attachments:

10.05.2021 баённомаси.pdf

[ ]

2846 Kb